कपिलवस्तु । श्रमिक समुदाय मोर्चा नेपालको केन्द्रीय प्रकाशन ‘आवाज सम्प्रेषण मासिक’ पत्रिका नेपाल कम्युनिस्ट पार्टीका महासचिव विप्लवद्वारा औपचारिक विमोचन गरिएको छ । कपिलवस्तुमा आजदेखि सुरु भएको मोर्चाको छैठौं बैठक उद्घाटनका क्रममा सो पत्रिका विमोचन गरिएको हो ।
मोर्चाका अध्यक्ष तथा बैठकका सभाध्यक्ष रामलाल सी, मोर्चा महासचिव त्रिलोचन सी, लगायत नेकपाका नेताहरू विमोचनमा सहभागी भएका छन् ।
मोर्चा प्रकाशन विभागका प्रमुख निशान सी सम्पादक रहेको पत्रिकाको छैठौं वर्ष, बैशाख अंक १ विमोचन गरिएको हो । ‘आवाज सम्प्रेषण’ पत्रिकाको अनलाइन संस्करण ‘आवाज पोष्ट डट कम’ समेत सञ्चालनमा छ । उत्पीडित एवम् श्रमजीवीको पक्षमा निरन्तर सञ्चालन हुँदै आएको सो पत्रिकालाई वर्गीकरण गर्ने प्रक्रिया समेत अगाडि बढाइएको छ ।
