काठमाडौं । नेपाल कम्युनिस्ट पार्टीका केन्द्रीय सदस्य तथा केन्द्रीय कार्यालयमा कार्यरत भीमबहादुर सी (रेडियम) प्रति नेकपा, बर्दिया जिल्ला समितिले श्रद्धाञ्जली अर्पण गरेको छ । समितिले शोक वक्तव्यमार्फत श्रद्धाञ्जली अर्पण गरेको हो ।
जाजरकोटमा जन्मिएर बर्दियामा बसोबास गर्दै आउनुभएका रेडियमको ५१ बर्षको अल्पायु मै शनिबार बिहान असमायिक निधन भएको हो । वि.स. २०३० जेठ ७ गते जन्मिनुभएका रेडियम २०५४ सालदेखि प्रत्यक्ष जनयुद्धमा सहभागी भएर हालसम्म निरन्तर देश र जनताको पक्षमा योगदान पुर्याउदै आउनु भएको थियो ।
उहाँ लामो समय देखि लिभर र दीर्घ रोगबाट पीडित उनुहुन्थ्यो । उपचार पश्चात् आफ्नै घरमा आराम गरिरहेकै बेलामा उहाँको निधन भएको बुझिएको छ । निकै इमानदार रेडियम बुवा रत्न ब. नेपाली र आमा कासी कुमारी नेपालीको जेठो सन्तान हुनुहुन्थ्यो ।
बर्दिया जिल्ला इन्जिनियर हिमशिखर सी.द्वारा हस्ताक्षरित वक्तव्यमा रेडियमका श्रीमती कस्तुरा नेपाली, छोरा, छोरी र परिवारप्रति समवेदना समेत प्रकट गरिएको छ ।
